20180103家常便飯之洋蔥豬扒及冬瓜魚肉豆卜粉絲煲。

洋蔥豬扒及冬瓜魚肉豆卜粉絲煲可算我家出現頻率都多的家常便飯.

20180102家常便飯之鹽煎三文魚頭，豉汁蒸排骨，灼菜芯，合掌瓜牛鰍魚湯。

由瑤小二左右開始認真去煮東西到現在，已經6年左右。因為好多餸的食譜都是從網上找來參考再因自己的口味改一改，所以好想記錄一下，但每次因懶，只post相片，又不能堅持，希望在2018年可堅持啦!

20160224是日晚餐：日式咖哩雞配五指毛桃潤肺湯

日式咖哩磚真係好方便，簡簡單單又一餐

20160225是日晚餐：日式冷麵配西生菜

今晚得我同亞囡吃飯，又懶煮又唔想出去吃，簡簡單單做亞囡鍾意吃的 -- 冷麵。

20160223是日晚餐：蜜糖韓汁燒豬頸肉，蒜茸西蘭花，xo蝦仁炒芹菜，粟米湯 (附食譜)

新年前買了好多材料，想快些清一清，為免到期要掉浪費，上星期努力下已清了半個冰格了，yeah!!

XO醬蝦仁炒芹菜

(參考食譜︰雀后)

材料︰ 

急凍蝦仁1包、西芹半棵、甘筍半條、雲耳適量、蒜蓉、XO醬2茶匙、薑片、蒜蓉

蝦仁醃料: 

鹽 1/4茶匙、豆粉 1/2茶匙，胡椒粉和麻油各少許

茨汁: 

豉油半湯匙、糖半茶匙、粟粉半茶匙、水2湯匙、麻油少許

做法: 

西芹去皮切片；甘筍去皮切片；雲耳浸軟去蒂備用；

蝦仁解凍後，用生粉 1茶匙搓勻，再洗乾淨再用廚房紙印乾，再落醃料醃30分鐘；

燒熱水，落西芹、甘筍和雲耳灼1分鐘後盛起備用；

燒熱油鑊落薑片煎香，落蝦仁煎至兩面轉色後，

加入蒜蓉、西芹、甘筍、雲耳和XO醬快炒數十下後，

最後落茨汁炒至乾身便成。

蜜汁韓式汁焗豬頸肉

(參考食譜︰雀后)

材料: 

豬頸肉2塊、清淨園醃肉汁(豬肉) 4湯匙

做法: 

豬頸肉解凍後用廚紙抹乾水份，放入保鮮袋加入醃肉汁(豬肉) 4湯匙拌勻醃 4小時或以上；

預熱焗爐200度15分鐘(上火)，放入豬頸肉焗每面15分鐘左右，掃上蜜糖再每面焗2分鐘左右

(焗完一面掃上醃肉汁，反轉掃上醃肉汁再焗，焗完兩面加蜜糖之前再掃上餘下的汁)

玫瑰鍋之蒜茸西蘭花

材料︰西蘭花1個，蒜茸及薑適量

做法︰

西蘭花浸一會兒(加少許鹽)，洗乾淨，在玫瑰鍋加入蒜茸及薑，加入西蘭花，加5湯匙水，鹽及糖各1/4茶匙，油少許，開中火煮到水滾，開始計時煮5分鐘(2分鐘中火，3分鐘小火)之後關火焗1分鐘，完成！

20160221是日晚餐：煎蠔仔餅，昨天的冬菇海參燜花膠，紫菜豆腐湯，菜芯

20160220是日晚餐：冬菇海參燜花膠(唐生菜底)，煎午餐肉